Хто такі джэнтэльмэн? Чалавек, які ўмее граць на гармоніку, але гэтага ня робіць.

Том Вэйтс.

Па хадзецку
korvin
rycyna
Уражаньне ад вечарыны БХД. Стары каталіцкі воцат і малады пратэстанцкі кампот. Ні віна, ні солі. Ага-ага, яшчэ былі праваслаўныя сухарыкі.

(no subject)
korvin
rycyna
Анрэя Федарэнку я пачаў чытаць на патрэбу. На вялікую духоўную патрэбу. Захацелася чысьціні, адназначнасьці і, блац, прафэсійнае карэктарскае праўкі. І яшчэ вытокаў, і каранёў. І непарыўнасьці традыцыі. І здаровага сэнсу.
І, як ашалелы ад усмемагчымых перадозаў амэрыканец купляе візу ў Беларусь, я купіўся на Федарэнку. І нават мяжу перасёк, і да вёскі даехаў, Ні бяды, што ўсю дарогу мяне суправаджаў пашарпаны ўазік з загадкавым надпісам "ІЗЫСКАЦЕЛЬСКАЯ". Бяда, што ў тубыльчай царкве нечакана папрасілі зьняць мае любімыя белыя шорты.
...У "Бесах" Дастаеўскага адзін з герояў, пісьменнік Кармазінаў - прататып І. Тургенева, выведзены аўтарам у такім вось сатырычна-карыкатурным плане... ("Сечка", с.7)

Багемнае
korvin
rycyna
Першы раз за год схадзіў у тэатр. На інтымны перадпрагляд "Кабарэ" у Купалаўскім. Усе прайшлі бясплатна, усе між сабою зналіся і пахлопвалі адно аднаго па артыстычных плечах. Адзін я быў so allein, і ад нечага дзелаць наліваўся злосьцю. Не было нідзе "заходне-беларускага мястэчка", а былі плюшавыя дэкарацыі, старанна паюшчыя па-польску акторы, канкан ды стрыптыз с удавольствіем і канечне ж, громка, з пінігінскай афэктацыяй, прамоўленае ў залю - "Жы-ы-ы-ы-ы-ы-ы-ы-ы-д!". Усё было як найгорш... а пасьля адбыўся цуд.
Унутраны голас шапнуў мне: "А ты на сцэну усёткі ўнімацельна паглядзі!". І я паглядзеў - баааа, там усе мае знаёмцы. На басэтлі грае калега-музыкант, у фраку ходзіць былы студэнт, а ягоная сяброўка - у шыфонавым плацьці, заломвае ручкі. І з Шалкевічам я, у прынцыпе, тожа знаёмы. Сьпектакль, карочай, апынуўся на славу.

17 верасьня
korvin
rycyna
Мама (1942 г. нар.): - Я ізноў Вам пытаньне задаю, недарэкі вы, ці чуеце! Сколькі ў нашаго папы было гактараў да Саветаў? Сколькі? Я ў архіў паеду, у Любчу, я іх там усіх растрыбушу, але спраўку знайду! Гэтто ж наша зямля, наша, панімаеце вы?!
Цётка (1940 г. нар.): - І што ты всё звягаешь, Аня! Угаманісь - вся вёска же знает: четыре шнуры ў нас было, четыре. Адзін пад грушкаю, другій тут, на загуменьні, третій - на грудзе, а четвёртый - ля Авдолі Кундалевай. І все знают, і што?

Сіняя барада
korvin
rycyna
У сядзібе "Марцінова Гусь" полецам як найбардзей практычна ўсё. Харошыя грыбочкі, каўбаскі нішцяк, увішная аканомка, чалавекаразьмерныя арэлькі. І нават пераблытаныя вадаправодныя краны ў заезным доме за шчасьце пакацілі. Но гаспадара парэкамендаваць не магу. Не ўсе комнаты абсьледаваны.

Патаму што з барадой
korvin
rycyna
У літоўцаў і палякаў тожа ёсьць свае ўнутраныя туркі. У польскіх туркаў абычныя імёны "Патрык" і "Кінга", а ў літоўскіх туркаў, кароча, мама із Ашмянаў.
Паймалі мяне літоўскія туркі у цемнаце, у вёсцы пад Трокамі. Паклалі цяжолую руку на плячо: "Ну чіо, пацан, как твая х... жізнь?" А я да іх павярнуўся і бараду паказаў. Туркі й гаварат: "ОЙ! Старшы чалавек! Ізьвіні, старшы чалавек! Мы ня зналі, што ты старшы чалавек, думАлі, пацан! Мы тут дзяўчонак клеім, старшы чалавек, цо ты нам парадзіш?"

Но, каб вы зналі, на беларусаў магія барады ні разу ня робіць. Кіроўца аўтобуса, як я багаж рассоўваў, ласкава так мне у плечы тоўк: "Давай-давай, ПАРЫНЁК, весялее, ПАРЫНЁК!"


Сямёнаўна
korvin
rycyna
Драматычныя абразкі з жыцьця беларускага народу. "Сямёнаўна". Першы раз прыстаўляем як трагедыю:


Другі раз - фарс-вадэвіль:

(no subject)
korvin
rycyna
Самае моцнае ўражаньне ад фолк-фэста ў Вільні: літоўца кралі, крадуць і будуць красьці. Або - як кажа дзедушка Хведар Нюнька: "Нада ўважаць іх хаця бы за тое, што гэто вы да іх езьдзіце ў Вільню, а не яны да вас".
Ідзем па вуліцы, слышым марш наш радной, "Як каравай выносяць". Падходзім, спрашваем, с какога раёну? Із Дзукіі, атвячают. Ідзем далей, чуем другі марш, "Егерскі", са Століншчыны. Харошы, гаварым, марш, імені Аляксандра І-га! Нет, атвячают, эта із Сувалкіі мялодзія, пруска-літоўскі народ прыдумаў.
Паказваем на фэсьце новы танец - назаўтра ўжо літоўскі зайчык са сцэны на дудзе яго наярывае! Інцерасуемся: мялодзія панравілась? Нет, гаварыт, эта жамойцкі найгрыш, традыцыйны, называецца "Жыў я ў бабушкі". Ня біла цябе бабушка па гарэзьлівых лапках, маё ты золато!
Но я і атыграўся. Калі ўрачыстае шэсьце стала пасярод старога места, ля Сьвятаянскай, то музыкі нашы зайгралі "Лысага". А літоўца нешто сабе замармыталі: "Тустэпас, тустэпас...". А я как зараву на ўвесь голас: "Ат чаго ты лысы без валос застаўся!!!". І літоўца понялі што с намі шуткі плохі. І сказалі што ў нас багаты фальклёр.

З жыцьця Снусмумрыкаў
korvin
rycyna

Мой першы буржуазны празаік
korvin
rycyna
Капіталізьм у Зялёным лузе, як і вясна, наступае вельмі позна. Калі я першы раз пабачыў яго, у 1975-м, гэта была вёска. І цяпер гэта, як ні круці, усяго толькі прадмесьце, мінская Поўнач, чо.

Мае паўднёвыя сябры даўно прайшлі азы капіталістычнага спажываньня. Прынамсі, німа ніводнага, хто б ня ведаў: харошае сьвята - гэта калі многа фотак з пралангіраванымі камэнтарамі, харошая музыка - гэта маса пазытыву на якасных носьбітах, а харошая літаратура - гэта калі кніжку не чытаў ні я, ні ты, але прэзэнтацыя ужо грэе сэрца.

Давайце ня блытаць "лібэральнасьць" зь "лібэраламі", а заможнасьць і рэспэктабэльнасьць - з "капіталізмам". Зь пісьменьніка Адама Глобуса такі ж буржуа, як з палітыка Уладзімера Коласа - лібэрал. Як на мяне, хай сабе буржуазны аўтар і шэляга ламанага за душою ня мае, але ты ўсё адно хочаш яго з'есьці. Усяго цалкам, усе анонсы, прасьпекты, сустрэчы у клюбах графаманаў, усе сэрыі і пасьлямовы, нахабныя самапаўторы і благія пераклады. Не, сыквэлаў не прапаноўваць, Календу ня хаваем.

Я яго ем, таму што ён мой. Я-такі стаў беларускім буржуазным чытачом, і маю права на свайго беларускага буржуазнага празаіка. Вершаў ня нада - іначай на прэзэнтацыі паэты хадзіць саўсем перастануць. Як тады ацэньваць калярыйнасьць ежы? Два дзясяткі да-індустрыяльных адраджэнцаў ня лічацца, яны гарадское мяса ўвогуле не стравуюць.

Буржуазны празаік - "гаранція якасьці", але мы, прафэсыйныя спажыўцы, ведаем, што "канешне, ж нам нравіцца ня ўвесь". Мы не фанаты, мы кушаем. Зрэшты, дома на паліцы ніводнае пушкі з Прадуктам, усё з'едзена, чо.

Рэвіталізацыя
korvin
rycyna
Кавярня NewTon Time у цэнтры былое Ляхаўкі, за Саветамі - цэх заводу МЗОР, раней - тожа нешта індустрыйнае. Гаспадары гэты будынак рэвіталізавалі, рэвіталізавалі, ды ня вырэвіталізавалі. А мы рэвалярызавалі, рэвалярызавалі, ды ня вырэвалярызавалі. Тут цэлы аркестр з механічных пралак патрэбен, як найменей.

са сну
korvin
rycyna
Паўлу Касьцюкевічу трэ было даць прэмію імені Вожыка, нягледзячы на мышыныя памеры і птушыную мову. І нават нягледзячы на тое, што карэктар кніжку-ткі прыспаў. А хаця б за "праўду жызьні ў дробязях"! Аўтар першым зьвярнуў увагу грамадзкасьці на абслугоўваючы пэрсанал з тыпова каталіцкімі отчаствамі. Тока не ў сталоўках корань зла, а ў мэтро - там уся іхная кодла засела!

(no subject)
korvin
rycyna
А што з нашай любімай rosy_bud?

Traditional wedding music of Eastern Highlanders
korvin
rycyna
Я ні знаю, калі-то менавіто нашэ друзя папірамінавалі Vilniaus kraštas, "Віленскі край" на Rytų Aukštaitiją, "Усходню Аўкштоцю". Адразу па палякох? За нямцамі? За Сталінам? За Ландзбэргісам?
Алі сёняко маім такоё шчасьцё - па англійску-то, калі піравясьці, Ашмяна, Смаргоне і Вастравец-то палучаюцца: Eastern Highlanders! І то далібо праўда - як едзеш на Вільню, дак гара за гарой, адна й за другой...


©Напісано навасёлскай гаворкай©

(no subject)
korvin
rycyna
Сёньня дзьве гадзіны хадзіў на лыжах уздоўж расейскай мяжы. Хацеў перабегчы, але настрашыўся ад выгляду рэклямнага плякату Расонскага Лясьніцтва. На плякаце,пад выявай зайчыка з прыціснутымі да грудзёў лапкамі, зеўраў подпіс чырвонай фарбай "НЕ УБІЙ!"

?

Log in